مقارنة بين solution micellaire ديال غارنيه و بيودرما /garnier micellar water vs bioderma

سلام عليكم البنات مرحبا بيكم من جديد في مدونة ديالي 

ليومة غادي نقوليكم نتائج مقارنة لي درت ما بين ماء منظف ديال غارنييه و ماء منظف ديال بيودرما 

من غير ثمن كاين فرق في شي حاجات 

اول حاجة ثمن ديال غارنيه 49 درهم -

بيودرما 185 درهم -

بيودرما 

صراحة بزاف ديال ناس كيشكروه او انا منهم صراحة كيحيد مكياج حتي مكياج ضد ماء او كيخيد كلشي مزيان مكيدير حساسية 

مكيطيحش رموش  واخة ثمنو غالي ولكن انا كنشوف بلي صراحة كيستاهل لانة 

تنظيف ديالو مزيان

غارنييه

زوين اقتصادي كيمسح مكياج كينظف البشرة مكيطيحش رموش مكايديرش

 حاسسية حتال هنا راه زوين ولكن كيعدب شوية بالنسبة  للمكياج ضد ماء كيخسك تبقاي تمسحي باش ياله يتحيد مي زوين بالنسبة لي كايديرو مكياج خفيف غير مكياج 

ضد اللماء 

كان هادا هو موضوع اليوم نتمني تستفدو منو واخة صغيور ههههههه 

my body care routine / عنايتي بالبشرة جسمي

 سلام عليكم بنات و مرحبا بكم في اول مقالة مفصلة في مدونة ديالي 

موضوع ديال ليوم هو

 .عناية بالبشرة جسمي من ورا كل حمام 

.هاد الموضوع كيهم كبار و صغار   

غادي نحتاجو مرطب لجسم و زيت للجسم معطر للجسم و ديودرنت وبودرت اطفال

هادو انا كنشوف خاص يكونو عند اي بنت لان كل مابديتو بعناية بجسد ديالكم بكري كل ما كان نتائج من بعد احسن و حفاظ على نظافة الجسم حاجة ضارورية عندنا حنا البنات و ماشي نخليو حتا نقربى تزوجي عاد تبداي عناية ديالك لا بدايها بكري باش تحصلي نتائج احسن .

نبداو بمراحل لمتبعة انا شخصيا في عنايتي بالبشرة جسد ديالي ...

اول حاجة من ورا كل دوش وكيكون جسد ديالي باقي مبلل بماء كنوضع كريم موحد لون كنديرو في جسمي كامل

كريم لي كندير حاليا وهو

 ديرموفيفا كيوحد اللون و ريحتو زوينة بزززززززززاف متوفر في مرجان  

تاني حاجة كنوضع زيت جسم  كنوضعو في كامل الجسم كيمنع ظهور خطوط البيضاء و السيلوليت 

انا كيحمقني زيت اطفال جونسون مكون من زيت اللوز و صويا ترطيب ديالو عالي جدا

بالنسبة لبنات ليكيعرقو ولا بنات لوزنهم زائد وعندهم التصاق فخدين وكيكون واحد احتكاك بينهم لكيئدي لالتهابات كنصحكم ز

...توضعو

 بودرة اطفال و تحت صدر او تحت ابطين 

رابع حاجة كنوضع معطر خاص بالجسم

كنستعمل حاليا body splash private collection vanilla ice 

اخيرا كنستعمل هاد

 ديودرنت سكرت كيعطي احساس رائع و انا كنفضلو علي سبراي

هادشي حتا انا شفتو عند بلوقر خليجية و صراحة عجبني جربتو و قررت نشاركو معاكم كنتمنى يعجبكم و تستفدو منو 

MERCI <3

Get to know me / اجيو تعرفو عليا

تعريف 

انا اسمي ايمان من المغرب من مدينة الدار البيضاء 27 سنة 

  كنبغي اي حاجة كتعلق بجمال و مكياج 

حلم ديالي نولي خبيرة تجميل ومشهورة 

نتمنى منكم انكم تشجعوني وتحبو كل حاجة كنديرها